UM MIG

Er sem stendur í námsleyfi frá starfi mínu hjá Akureyrarbæ en þar stýri ég Akureyrarstofu sem fer með menningar-, markaðs-, ferða- og atvinnumál fyrir bæinn. Það er fjórða starfið sem ég gegni fyrir sveitarfélagið og þriðja stjórnunarstarfið.

Á sínum tíma lærði ég heimspeki til BA-prófs í Háskóla Íslands með stuttri viðkomu í Aberdeen í Skotlandi. Ég varð illilega ástfanginn af henni og hef aldrei skilið hana við mig. Hef kennt fyrir HA, MA, SÍMEY og haldið ótal alþýðlega fyrirlestra og námskeið mest um siðfræði.

Þegar svo loksins kom að því að halda áfram í námi þá vildi ég gjarna finna eitthvað sem sameinaði þetta tvennt: Umtalsverða stjórnunarreynslu og heimspekiástina. Skoðaði ýmislegt þ.m.t. samsetta pakka eins og MBA nám. Niðurstaðan var að takast á við að setja námið saman sjálfur í samvinnu við leiðbeinanda og Rannsóknartengt mastersnám við Hug- og félagsvísindadeild Háskólana á Akureyri varð fyrir valinu. Viðfangsefnið: Þáttur gagnrýninnar hugsunar í stjórnun og ákvarðanatöku hjá stjórnum og stjórnendum opinberra stofnana og einkafyrirtækja.

Að heimspekinni frátalinn þá hef ég áhuga á fluguveiði, tónlist, ljósmyndun, gítarglamri og nýsköpun svo eitthvað sé nefnt. Ég er giftur Aðalheiði Hreiðarsdóttur sérkennslustjóra og við eigum þrjú börn á víð og dreif í aldri, Emblu grunnskólastelpu, Bjarma framhaldsskólanema og Styrmi háskólastúdent. Gaman að geta þess að sá elsti stundar nú meistaranám í heimspeki við Háskóla Íslands.

sdfdfsdf